Joa lu aigenleiks is dizze groep begonnen as onderdail van de o zo gezellige school Dr D Bosch aan de Zuudwindingerweg.
Ain paor fanatiekelingen harn zo docht van kom wie mouten de aolders van de kiender vermokken mit wat tonailspul en zo is het begonnen , De juuste daotum em de juuste minsen wait ik nait wel dat binnen mor as der gound binnen dei dat wel waiten, geerne welkom.
Mor zo as altied mouten der schoulen oproemt worden en Dr D Bosch was der ain van. Dou binnen wie as tonailgroep wieder gaon mit speuln veur de buurtverainnen rondom t’vloat. Dei waarn meroakels blied mit ons en zo gafen wie zoas altied onze oetvoerns bie Cafe de Grens dou in handen van Jan Kamphoes en zien vrauw.
Der wui ons vraogd of wie de naom van buurtverainnen aannemen wollen en dat wollen de maisten wel, Ain stuk of wat waarn teegn.
Mor zoas het in ain democratisch laand betoamd de meerderhaid van stimmen teld.
Dou Jan Kamphoes van cafe de grens aofging en de kroeg elke dag open was, hebben wie besloten as tonailgroep (as minsen dei in de kroug zaaten noar het huusie mosn den kwaamn ze deur de zaol woar wie zaatn te reptairen, en aangezain der nog wel ais wat dronken volk bie kon wezen hebben wie besloten om onze oetvoerns te holen in De Kiepe in Naie Pekel en ons toeshonk wui Het Oale Waopen in Blijham waor wie den ook inmiddels onze oetvoerns hollen en altied weer volle zaoln trekken. Wie binnen ain gezellige ploug woar speulders bie binnen dai al meer as datig jaor op de planken staon. O.a onze Frits Zuurman. Peter Kuntes het ook 25 jaor bie ons speuld en het het nou wat op ain loag pitje zet. Meindert Koning speult ook inmiddels meer as 20 jaor en Coby Koning meer as15 joar.
Ook Berend Koopman is ain oale rotte int vak net zoals Natasja , Dolf en Rudi
Wie hebben speulsters en speulders oet oale Pekel, Naie Pekel, Blijham, Ter Apelkanaal Nieuw Buinen, Winschoten, dus ain internationaol gezelschap. AS je op de koppen van de speulders klikken mit de moes , zain je wat fotos en wat over heurzulf
Wel active x tougang verschaffen.